نئی دہلی : ملک میں کورونا وائرس کی وجہ سے لاک ڈاؤن کا اثر غریب عوام خاص طور پر دیکھا جارہا ہے ، انہیں روزگار حاصل کرنے میں دشواری کا سامنا کرنا پڑ رہا ہے۔ اس کے پیش نظر حکومت نے ایک لاکھ 70 ہزار کروڑ روپئے کے معاشی پیکیج کا اعلان کیا ہے۔ اپوزیشن کی جانب سے بھی حکومت کے اس اقدام کی تعریف کی گئی ہے۔ کانگریس رہنما راہل گاندھی نے کہا ہے کہ یہ معاشی پیکیج صحیح سمت کا پہلا قدم ہے۔

راہل گاندھی نے ٹویٹ کیا ، ‘آج حکومت کی جانب سے اعلان کردہ مالی اعانت پیکج صحیح سمت کا پہلا قدم ہے۔ ہندوستان اپنے کسانوں ، یومیہ مزدوری کرنے والے ، مزدوروں ، خواتین اور بزرگوں کا مقروض ہے جو جاری بند کی بھینٹ چڑھ رہے ہیں۔

آپ کو بتا دیں  کہ وزیر خزانہ نرملا سیتارمن نے گرتی معیشت کو بچانے کے لئے پریس کانفرنس میں بڑے اعلانات کیے۔ انہوں نے ایک لاکھ 70 ہزار کروڑ کے معاشی پیکیج کا اعلان کیا۔  کسان ، منریگا مزدور ، خواتین ، پی ایف اکاؤنٹ ہولڈرز وغیرہ کو راحت دی ۔ انہوں  نے یہ بھی یقینی بنایا کہ لاک ڈاؤن کے دوران کوئی غریب بھوکا نہ رہ جائے ۔

LEAVE A REPLY

Please enter your comment!
Please enter your name here