مرکزی حکومت کا دہلی والوں کو تحفہ

نئی دہلی : مرکزی حکومت نے دہلی کی غیر قانونی کالونیوں کو منظوری دے دی ہے۔ دہلی کے لیفٹیننٹ گورنر نے ٹویٹ کر کے اس بارے میں معلومات دی ہیں۔ اس معاملے میں کابینہ نے فیصلہ کیا ہے۔اس کے بعد  سیکشن 81 کے تحت درج تمام مقدمات واپس لے لئے جائیں گے۔ جن لوگوں کے دفعہ 81 کے تحت مقدمات درج ہیں انہیں بڑی راحت ملے گی۔

Major steps to implement PM-UDAY (PM- Unauthorised Colonies in Delhi Awas Adhikar Yojna) approved today.
1. Withdrawal of cases u/s 81 DLR act falling within the UCs.
2. Urbanisation of 79 villages where UCs are located.#HousingForAll

— LG Delhi (@LtGovDelhi) November 20, 2019

دہلی میں اسمبلی انتخابات سے قبل مودی سرکار نے یہ بڑا اعلان کیا۔ مرکزی وزیر پرکاش جاوڈیکر نے اعلان کیا تھا کہ دہلی میں غیر قانونی کالونیوں کو قانونی منظوری دی جائے گی ۔

دہلی حکومت کے مطابق ، دہلی میں کل 1،797 غیر قانونی  کالونیاں ہیں۔ ان تمام کالونیوں میں رہنے والے لوگوں کو مرکزی حکومت کے اس اقدام کا فائدہ ملے گا۔ وزیر اعظم نے وعدہ کیا کہ مرکز کی حتمی منظوری کے بعد ، غیر قانونی  کالونیوں میں رہنے والے لوگوں کو اپنے مکانات کا اندراج کرنے کی اجازت ہوگی۔ اس سے قبل ، وزیر اعظم نریندر مودی نے حال ہی میں دہلی کی غیر قانونی  کالونیوں کے لوگوں  سے ملاقات بھی کی تھی۔ جلد ہی اس فیصلے کو قانون بنا کر نافذ کیا جائے گا۔