دہلی : اتوار کی صبح قومی دارالحکومت کی اناج منڈی میں واقع ایک فیکٹری میں لگی آگ میں اب تک 43 افراد ہلاک ہو چکے  ہیں۔ اس دوران  ایک فائر مین نے عمارت میں داخل ہوکر اور اپنی جان پر کھیل کر 11 افراد کی جان بچائی۔

دہلی کے وزیر صحت ستیندر جین نے محکمہ فائر کے اہلکارکی تعریف کرتے ہوئے انہیں ایک حقیقی ہیرو بتایا۔ جین نے ٹویٹ کیا ، ‘فائر مین راجیش شکلا اصلی ہیرو ہیں۔ وہ پہلے فائر مین ہے جس نے عمارت میں داخل ہوکر 11 جانیں بچائیں۔ انھوں  نے  ہڈیوں میں چوٹ آنے کے باوجود اپنا کام جاری رکھا۔ میں اس بہادر ہیرو کو سلام پیش کرتا ہوں۔

بتادیں کہ اتوار کی صبح دہلی کے اناج منڈی کے علاقے میں زبردست آگ بھڑک اٹھی تھی ۔ وہاں کی سڑکیں کافی تنگ ہیں۔ رہائشی علاقے میں جہاں فیکٹری میں آگ لگی تھی وہ غیر قانونی طور پر چل رہی تھی۔ بتایا جارہا ہے کہ پورا علاقہ غیر قانونی اور چھوٹی فیکٹریوں سے بھرا ہوا ہے۔ جسے نہ تو این او سی ملا اور نہ ہی آگ بجھانے کا سامان کا انتظام کیا  گیاتھا ۔ اس تنگ علاقے میں چاروں طرف بجلی کی تاریں ہیں۔

LEAVE A REPLY

Please enter your comment!
Please enter your name here