ایودھیا فیصلے سے قبل مرکزی وزیر نقوی کی رہائش گاہ پرمیٹنگ، آر ایس ایس اور مسلم مذہبی رہنما ؤں کی شرکت

نئی دہلی : ایودھیا کیس سے متعلق سپریم کورٹ کے فیصلے سے قبل مرکزی وزیر مختار عباس نقوی کی رہائش گاہ پر ایک اجلاس ہوا۔ اس اجلاس میں مسلم مذہبی رہنماؤں اور راشٹریہ سویم سیوک سنگھ (آر ایس ایس) کے رہنماؤں نے بھی شرکت کی۔ بی جے پی رہنما شاہنواز حسین اور فلمساز مظفر علی بھی اس میٹنگ میں موجود تھے۔

आज नई दिल्ली में मेरे निवास पर मुस्लिम समुदाय के धार्मिक, सामाजिक, शैक्षिक क्षेत्र के प्रमुख लोगों की एक बैठक का आयोजन किया गया जिसमें देश में सामाजिक सौहार्द, भाईचारे और एकता के ताने-बाने को मजबूत करने पर बल दिया गया। pic.twitter.com/LyWbj5PpVY

— Mukhtar Abbas Naqvi (@naqvimukhtar) November 5, 2019

बैठक में राष्ट्रीय स्वयंसेवक संघ के सह सरकार्यवाह माननीय श्री कृष्ण गोपाल जी, अखिल भारतीय सह संपर्क प्रमुख माननीय श्री रामलाल जी के साथ बड़ी संख्या में मुस्लिम समुदाय के धार्मिक, सामाजिक, शैक्षिक क्षेत्र के प्रमुख लोग उपस्थित रहे। pic.twitter.com/lkqm4dKwhv

— Mukhtar Abbas Naqvi (@naqvimukhtar) November 5, 2019

ایودھیا میں رام جنم بھومی تنازعہ میں سپریم کورٹ کا فیصلہ اگلے سات دنوں میں آسکتا ہے۔ وجہ یہ ہے کہ سپریم کورٹ کے چیف جسٹس رنجن گوگوئی 17 نومبر کو ریٹائر ہورہے ہیں ۔ یہ واضح ہے کہ سماعت کرنے والے پانچ ججوں کی آئینی بنچ ان دنوں فیصلہ سنائے گی۔

دریں اثنا ، مرکزی حکومت نے اس فیصلے کے پیش نظر امن و امان برقرار رکھنے کے لئے سنٹرل آرمس پولیس کے چار ہزار اہلکاروں کو اترپردیش بھیج دیا ہے۔ یہ پولیس فورس ریاست میں 18 نومبر تک تعینات رہے گی۔ بتادیں کہ مرکزی وزارت داخلہ نے پیر کے روز ہی اس سلسلے میں فیصلہ لیا تھا ۔

جس میں وزارت نے پیرملٹری فورس کی پندرہ کمپنیوں کو فوری طور پر بھیجنے کی منظوری دی۔ وزارت کے حکم کے مطابق پیرا ملٹری فورس کی 15 کمپنیوں کے علاوہ بی ایس ایف ، آر اے ایف ، سی آئی ایس ایف ، آئی ٹی بی پی اور ایس ایس بی کی تین کمپنیوں کو بھیجا جانے کی منظوری دی گئی ہے۔