نیپال کی خواتین کرکٹر انجلی چند نے پیر کو بغیر کوئی رن دیئے  چھ وکٹیں حاصل کرکے ٹی ٹوئنٹی انٹرنیشنل میں تاریخ رقم کردی۔

پوکھرا : نیپال کی خواتین کرکٹر انجلی چند نے پیر کو بغیر کوئی رن بنائے چھ وکٹیں حاصل کرکے ٹی ٹوئنٹی انٹرنیشنل میں تاریخ رقم کردی۔ انہوں نے پوکھرہ (کھٹمنڈو) میں جاری ساؤتھ ایشین گیمز میں مالدیپ کے خلاف کرشمائی  کارکردگی کا مظاہرہ کیا۔ انجلی ٹی ٹوئنٹی میں خواتین اور مردوں دونوں میں بہترین بولر بن گئیں۔

پہلے بیٹنگ کرنے والی مالدیپ کی ٹیم صرف 16 رنز بنا سکی ، نیپال نے یہ ہدف 0.5 اوورز میں حاصل کرلیا۔

چوبیس سالہ انجلی نے ساتویں اوور میں تین اور نویں اوور میں دو وکٹیں حاصل کیں۔ اننگز کے 11 ویں اوور میں انہوں نے مالدیپ کی اننگز ایک وکٹ  لے  کر ختم کی۔ میڈیم پیسر نے پورے میچ میں صرف 13 گیندیں  ہی ڈالیں ۔ انہوں نے اپنی آخری تین گیندوں میں تین وکٹیں حاصل کرکے ہیٹ ٹرک بھی مکمل کی۔

اس کے ساتھ ہی انجلی نے ویمنز ٹی 20 انٹرنیشنل میں با لنگ کا بہترین ریکارڈ اپنے نام کرلیا۔ اس سے قبل  مالدیپ کے میس الیاسہ ​​نے رواں سال چین کے خلاف تین رن پر چھ وکٹ حاصل کی تھی۔

LEAVE A REPLY

Please enter your comment!
Please enter your name here